هەزاران كورد لە پاریس دەڕژێنە سەر شەقامەكان

هەواڵ / ڕاپۆرت :: پێش 1 هەفتە ‌ :: 680‌ جار بینراوە

تاگ :: ڕاپۆرت

دواڕۆژ
ناوهێنانی پارتی كرێكارانی كوردستان و پارتی یەكێتی دیموكرات و یەكینەكانی پاراستنی گەل هاوشانی داعش و تێكەڵكردنیان لەگەڵ دۆسیەی گولەنیەكان لەلایەن سەرەك وەزیرانی توركیاوە لە هەولێری پایتەختی هەرێمی كوردستانەوە و هەروەها خۆپیشاندانێكی فراوانی هەزاران كوردی دانیشتووی فرەنسا لە پاریس-ی پایتەختی ئەو وڵاتە و ئاماری كوژراوانی یەكینەكانی پاراستنی گەل لەلایەن سوپای توركیاوە، لەو بابەتە سەرەكییانەن كە ئەمڕۆ میدیای بیانی بایەخیان پێداوە و هەواڵیان لەسەر بڵاوكردوونەتەوە.
 

هەبێر 10: یڵدرم: YPG = PYD = PKK

 


ڕۆژی یەك شەممە 8 ی كانونی دووەمی 2017 بینالی یڵدرم سەرۆك وەزیرانی توركیا گەیشتە هەرێمی كوردستان و لە شاری هەولێر لەگەڵ مەسعود بارزانی كۆبووەوە.
دوای تەواوبوونی كۆبوونەوەكەیان یڵدرم و بارزانی كۆنگرەیەكی ڕۆژنامەوانی هاوبەشیان بەست و ناوەڕۆكی كۆبوونەوەكەیان بۆ ڕۆژنامەنووسان خستەڕوو.
ماڵپەڕی هەبێر 10 دەڵێت:"لە كۆنگرە ڕۆژنامەوانییەكەدا یڵدرم وتوویەتی پەكەكە یەكسانە بە پەیەدە و یەكسانیشە بە یەپەگە. چەندین ڕێكخراو بەناوی جیاجیا دروستبوون و ڕۆژانە ناوەكانیان دەبیستین، بەڵام ئێمە دەزانین هەموویان یەكن و سەر بە پەكەكەن".
یڵدرم ئەوەشی راگەیاندووە:"بابەتی ڕێكخراوی تیرۆریستی داعش و پەكەكە و فەتحوڵا  گویلەن"، تەنیا كێشەی توركیا نین، بەڵكو كێشەی عێراق و هەرێمی كوردستان و سوریاشن.


رۆیتەرز: هەزاران كورد لە پاریس دەڕژێنە سەر شەقامەكان

دوێنێ‌ ژمارەیەكی زۆر لە كوردەكانی پاریس گردبوونەوەیەكیان ئەنجامدا بۆ ئیدانەكردنی دادگا سەبارەت بە دۆسیەی كوشتنی سێ‌ ژنە چالاكەوانە كوردەكەی كە لە مانگی كانوونی دووەمی ساڵی 2013 دا لە پاریس كوژران.

نزیكی 5500 كەس لەو خۆپیشاندانەدا بەشداربوون كە تێیدا ئیدانەی دەسەڵاتدارانی فرەنسایان كرد بە هۆی كەمتەرخەمییان لە سزادانی بكوژی ئەو سێ‌ ژنە چالاكەوانە.
نورسەل كڵچ وەك چالاكوانێكی كورد بە رۆیتەرزی ڕاگەیاند"بەردەوام دەبین لە ناڕەزایی دەربڕین تاكو دادپەروەری بەرپادەكرێت".
بەشداربوانی خۆپیشاندانەكە ئاڵای پەكەكە و وێنەی ئۆجەلان و سێ‌ ژنە كوژراوەكە و دروشمی ئازادی-یان بەرزكردبووەوە.


ئارا نیوز: سوپای تورکیا کوژرانی 290 جەنگاوەری کورد لە سوریا ڕادەگەیەنێت 


سوپای تورکیا کوژرانی 290 شەڕڤانی یەکینەکانی پاراستی گەل (یەپەگە)ی لە ئەنجامی ئۆپراسیۆنەکانیان لە باکوری سوریا ڕاگەیاند لەوکاتەوەی کە تورکیا لە مانگی ئابی پارەوە هێرشەكانی لە سوریا دەستپێکردووە.
سه‌ركرده‌كانی یه‌په‌گه‌ هێرشه‌كانی سوپای توركیا بۆ سەر‌ بارەگاكانیان ئیدانه‌ ده‌كه‌ن و ڕایده‌گه‌یه‌نن هێرشه‌كانی توركیا له‌ سوریا له‌ خزمه‌تی داعش و پشتیوانی ئه‌و ڕێكخراوه‌دایه‌. 
فەرماندەیی ناوەندی سوپای تورکیا، ڕۆژی شەمە، لە بەیانامەیەکدا ڕایدەگەیەنێت هێزەکانی سوپای تورکیا و هاوپەیمانەکانی ئاماجیان پاراستنی سنوورەکانی باشوری تورکیایە لەڕێگەی لە ناوبردنی"سەرجەم گروپە تیرۆریستیەکان لە باکوری سوریا لە نێوانیاندا داعش و یەپەگە". 
فەرماندەیی ناوەندی سوپای تورکیا دەڵێت"لە مانگی ئابەوە، ئۆپراسیۆنە سەربازیەکانمان بوونەتە هۆی کوژرانی 1362 چەکداری داعش و 291 تیرۆریستی کوردی یەپەگە." 



  • ڕۆژ
  • هەفتە
  • مانگ
created by Avesta Group and powered by Microsoft Azure