گەرمیان: ئاهەنگێکی هاوسەرگیری بە دەستوری کۆنی کوردەواری به‌ڕێوه‌چوو

هەواڵ / که‌لتور :: 6 رۆژ پێش ئێستا‌ :: 5283‌ جار بینراوە

دواڕۆژ، دەشتی ئەنوەر
ئەمڕۆ پێنجشەممە بەڕێوەبەرایەتی ڕۆشنبیری گەرمیان و ژمارەیەک چالاکوان پێکەوە ئاهەنگێکی کەلتوریی هاوسەرگیرییان بە دەستوری کۆنی کوردەواری بۆ کوڕ و کچێکی گەرمیان سازکرد.

ئاکۆ هۆرێنی، بەڕێوەبەری رۆشنبیری گەرمیان بە‌دواڕۆژی ڕاگەیاند، ئەم ئاهەنگه لەسەر خواستی خۆیان ئەنجامدراوە و داوایانکردووە هاوکاریان بکەین، ئێمەش بڕیارماندا بە شێوازێکی فۆلکلۆریانە گرنگیان پێ بدەین و بە ئەسپ و عارەبانە پرۆسەی هاوسەرگیریەکەیان بۆ ئەنجام بدەین.

محەمەد كامیل،ى زاوا بە دواڕۆژی وت، ئامانجی ئێمە لەم شێوازە ئاهەنگە بۆ ئەوەبوو بە بیری خەڵكی بهێنینەوە كە ئێمە خاوەنی كەلتوور و دابونەرێتی خۆمانین و بەشێوازی كوردایەتی ئاهەنگەكەمان ئەنجامداوە لەسەر دەستووری باوك و باپیرانمان.

ماریا قادر،ی بوكەخان بۆ دواڕۆژ وتی "بڕیارەكە بە بڕیاری هەردوولا بووە پێمانخۆشبوو بە بیری خەڵكی بێنینەوە پرۆسەی هاوسەرگیری بە شێوازی كەلتووری جوانتر و خۆشترە تا وەكو بەم شێوازەی ئەمڕۆ پەیڕەودەكرێ".


  • ڕۆژ
  • هەفتە
  • مانگ
created by Avesta Group and powered by Microsoft Azure